काठमाडौं । नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ले मुलुकमा भ्रष्टाचार बढदै गएको टिप्पणी गरेका छन् । राष्ट्रिय स्वतन्त्र पार्टी (रास्वपा) र सहकारी ठगी प्रकरणमा पक्राउ गरी अनुसन्धान भईरहेका सभापति रवि लामिछाने जन्मिदै गर्भबाटै भ्रष्टाचार बोकेर आएको टिप्पणी गर्दै उनले काठमाडौं महानगरका मेयर बालेन शाहलाई ‘गँजेडी’को संज्ञा दिएका छन् ।

पार्टी पुनर्गठन ११ वर्षमा प्रवेश गरेको अवसरमा शनिबार काठमाडौंमा र्याली पश्चात आयोजित सभालाई सम्बोधन गर्दै उनले यस्तो टिप्पणी गरेका हुन् । ‘केही नयाँ पार्टी छन्, जो गर्भबाटै भ्रष्टाचार बोकेको छ । एड्स रोगीबाट जन्मिएका सन्तानजस्तो । कोही मान्छे गँजेडी छन्, नायकजस्तो बनेका छन् । उनीहरु जनसेवक अरे, अनि हामी को ?’ विप्लवले प्रश्न गर्दै भने ।

मुलुक भ्रष्टाचारले आक्रान्त बनेको बताउदै उनले पूराना दलका नेताहरुले भ्रष्टाचार’bout दिनदिनै प्रष्टीकरण दिनुपरेको बताए । नयाँ दल रास्वपापनि त्यसबाट अछुतो नभएको उनले बताए । काठमाडौंमा एमालेले शुक्रबार गरेको जागरणसभालाई इंगित गर्दै उनले काठमाडौंमा भ्रष्टाचारीहरुले जुलुश निकाल्ने र भ्रष्टाचारीको भाषण सुन्नुपर्ने बाध्यता रहेको बताए ।

‘अहिले नेपालमा भ्रष्टाचारको महारोग छ । कोरोना भाइरसजस्तै फैलिएको छ । काठमाडौंमा भ्रष्टाचारीहरुको जुलुश निस्किन्छ । भ्रष्टाचारीहरुको डण्डा बर्सिन्छ । भ्रष्टाचारीहरुको भाषण सुन्नुपर्छ । देशमा अहिले मजाक हेर्नुपरेको छ । उनीहरु मैले विदेशमा पैसा लुकाएको छैन् भनेर प्रष्टीकरणमात्रै दिन्छन् । समाजमा अहिले भ्रष्टाचारको आतंक छ’ विप्लवले भने, ‘हिजो प्रचण्डजीको सरकार हुँदापनि उहाँ सरकार ढल्दैन भन्नुहुन्थ्यो, अहिले केपीजीको सरकार छ, उहाँपनि सरकार ढल्दैन भन्दैहुनुहुन्छ । तर जनतालाई के लागेको छ भने यो सरकार आजै ढल्छ । राति ढल्नसक्छ, भोलि विहान ढल्छ भन्ने लागेको छ । अहिले कोही मान्छे सन्तुष्ट छैनन् ।’

– रास्वपा र रवि जन्मिदै गर्भबाटै भ्रष्टाचार बोकेर आएको

– काठमाडौंका मेयर बालेन शाह ‘गँजेडी’

उनले आफ्नो पार्टी स्थापनाको औचित्य पुष्टि हुँदै गएको दावी गरे । ‘नेकपा यहाँ पुग्छ भन्ने कसैलाई पनि विश्वास पनि थिएन होला । तर, अहिले सबै अचम्मित छन् । नेकपाको फरक दृष्टिकोण छ । यो लडाईं थियो । हामी सबै माओवादी नै हौं । यो देशमा रगत बगाएका हौं । हामी लडेर आएका हौं । हामी देशभक्त हौं । नेकपा जनताको हितको लागि बनेको हो’ माओवादीबाट बिभाजन भई गठन गरेका नेकपाका महासचिव विप्लवले भने ।

उनले आफूहरुले चाहेको व्यवस्था अहिलेसम्म नआएको बताए । ‘२०६४ सालपछि हामी नयाँ जीवन चाहन्थ्यौं । माओवादीले जुन दिन विजयी हाँसिल गर्नेछ, जनताले विजयी हाँसिल गर्नेछ । जनताको अनुहारमा मुस्कान छाउनेछ । रगतलाई गौरवको रुपमा बुझ्नेछ । मसिर ८ गते जनमुक्ति सेना बनेको दिन हो । नेपालमा सुकुम्बासीको अन्त्य भएको हेर्न चाहन्थ्यौं । जनजातिहरु सत्तामा पुगेको हेर्न चाहन्थ्यौं’ उनले भने, ‘युवाहरुले नेपालमै बसेर देश बनाएको हेर्ने हो । २१औं शताब्दीमा जनयुद्ध लडेका युवाहरु यही देशमा बस्नुपर्छ । गणतन्त्रलाई ठूलो उपलब्धिको रुपमा हेर्नुपर्छ । जनताका अधिकार पनि प्राप्त भए । तर, जनताको जीवनमा परिवर्तन भएन । नेपाल देश स्वाधिन भएन । क्रान्तिले पूर्णता पाउन सकेन । नेपाली जनताको व्यवस्था बन्न सकेन । क्रान्ति अधुरो भयो । अधिकार अधुरो भयो । नौजवानले आफ्नो भविष्य अन्धकार भएको महशुस गरे । हाम्रा मान्छेहरुलाई अपमानित हुन दिनुहुँदैन् ।’

उनले अहिले मुलुक दलाल पुँजीपतिहरुको कब्जामा परेको आरोप लगाए । यहाँ रातारात भित्रिएका खर्बपतिहरुको दमन चलेको बताउदै उनले नेपालमा अहिले केही हुँदैन भन्ने निराशा छाएको बताए ।

‘१७ हजार मान्छेको बलिदानपछि आउने व्यवस्था यस्तै हो ? संसद्मा समेत बलिदान गर्ने, क्रान्ति गर्नेहरुमाथि, खिल्ली उडाउने काम भएको छ । जसले परिवर्तन गर्यो, बलिदान, क्रान्ति गर्यो उ चाहीँ अपमानित हुनुपर्ने ? दलाल पुँजीपतिहरुको सत्ताले यो हालत भयो । यो देशमा भोकै मर्न तयार हुनुपर्छ । यो देश दलालहरुको हातमा सुम्पिएर विदेश जानुहुँदैन् । तराईका खेतसँग खेल्ने हो । दलाल पुँजीपतिहरुले केही समय जितेका छन् । त्यो भ्रम हो । नेकपा छ, जनयुद्ध लडेका युवाहरुको नेकपा छ । नेपाली जनताहरुको व्यवस्था बनेको छैन् । हामीले चाहेको राज्य बनेको छैन् । हामीले बनाउनैपर्छ । जनताका बीचबाट पलायन हुने होईन । जनताको बीचमा बस्नुपर्छ’ उनले भने ।

सुनधाराबाट निष्केको र्याली रत्नपार्क, बागबाजार हुँदै भृकुटीमण्डपमा पुगेर सभामा परिणत भएको थियो । विप्लव नेतृत्वको नेकपाले पछिल्लो समयमा माओवादी केन्द्रसँग पार्टी एकता गर्ने निर्णय गरिसकेको छ । तर, हालसम्म एकता हुन सकेको छैन । माओवादी केन्द्रले संस्थागत निर्णय नगर्दा एकता प्रक्रिया अड्केको छ । माओवादी केन्द्रले केन्द्रीय समितिको बैठकबाट नेकपासँग एकता गर्ने निर्णय गरेपछि मात्र एकता हुने बताइएको छ ।

केन्द्रीय समिति बैठक बस्नुअघि माओवादीले पदाधिकारी, स्थायी समिति र प्रदेशमा कार्यरत केन्द्रीय सदस्य र प्रदेश पदाधिकारीको संयुक्त परामर्श बैठक बसेर छलफल गरेको छ । माओवादीले केन्द्रीय समितिको बैठकबाट एकता गर्ने निर्णय गरेको छैन । आगामी २ पुसमा माओवादी केन्द्रको केन्द्रीय समिति बैठक बस्दै छ । सोही बैठकबाट माओवादी केन्द्र र विप्लव बीचमा पार्टी एकता हुने वा नहुने भन्ने टुंगो लाग्ने बताइएको छ ।

सम्बन्धित समाचार

हेटौंडाको वडा १२ मा अध्यक्षको लागि त्रिपक्षिय भिड्न्त पुस २ गते केन्द्रीय समिति बैठक बस्ने माओवादी केन्द्रको निर्णय रास्वपाका पदाधिकारी र सांसदविरुद्ध अवहेलना मुद्धा दर्ता गर्न सर्वोच्चको आदेश आत्मसमीक्षासहित उपनिर्वाचनमा होमिन प्रचण्डको निर्देशन हवाई भाडा मनोमानी बृद्धि गर्नेलाई प्रधानमन्त्री ओलीकै संरक्षण: प्रभु साह काठमाडौं सहित मधेसको सडकमा एकै दिन उत्रिदै आजपा जसपा नेपालबाट कीर्तिपुरको मेयर र वडा अध्यक्षमा तेस्रो लिङ्गी उम्मेदवार ढुंगानाको निधनमा कांग्रेसले मंगलबार केन्द्रीय कार्यालय बन्द गर्ने भारतीय स्थल सेनाध्यक्ष द्विवेदी आज नेपाल आउदै एमालेले काठमाडौं महानगरको जरिवाना नतिर्ने देशैभरी आन्दोलन चर्काउन आजपाले स्थायी कमिटी बैठक डाक्यो भक्तपुरमा ९४ वर्षीया बृद्धाको हत्या