सङ्खुवासभा । सङ्खुवासभाको खाँदबारी नगरपालिका –३ मानेभञ्याङमा सञ्चालन भइरहेको संखुवासभा गोल्डकप फुटबल प्रतियोगितामा सुनसरीको न्यू स्टार क्लब फाइनलमा प्रवेश गरेको छ । बुधबार सम्पन्न पहिलो सेमिफाइनलमा प्लानिङ ब्वाइजलाई ट्राइबेकरमा ६–५ गोलले पराजित गर्दै न्यू स्टारले उपाधि यात्रालाई अघि बढाएको हो ।

महेन्द्र माविको खेलमैदानमा भएको खेलमा निर्धारित समयमा १–१ गोलको बराबरीमा सकिएपछि खेलको निर्णय ट्राइबेकरबाट गरिएको थियो । प्रतिस्पर्धात्मक खेलमा न्यू स्टारका सञ्जय श्रेष्ठले खेलको २६औँ मिनेटमा गोल गर्दै टोलीलाई सुरुवाती अग्रता दिलाएका थिए। तर, खेलको ६४औँ मिनेटमा प्लानिङ ब्वाइजका अनिष परियारले गोल फर्काउँदै खेललाई बराबरीमा ल्याए ।

दुवै टोलीले जितका लागि निरन्तर प्रयास गरे पनि थप गोल गर्न नसकेपछि खेल ट्राइबेकरमा पुगेको थियो । खेलका क्रममा पटक–पटक कर्नर किकको अवसर पाए पनि त्यसलाई गोलमा परिणत गर्न नसक्दा प्लानिङ ब्वाइजले अग्रता लिन सकेन । अन्ततः ट्राइबेकरमा ६–५ को रोमाञ्चक जित निकाल्दै न्यू स्टारले फाइनलमा आफ्नो स्थान सुरक्षित ग¥यो ।

त्यस्तैगरी, प्रतियोगिताअन्तर्गत दोस्रो सेमिफाइनल खेल बिहीबार दिउँसो सङ्खुवासभाको लोहरुङ क्लब र सेकाहा सामुदायिक क्लब बीच प्रतिस्पर्धा हुनेछ । लोहरुङ क्लबले क्वार्टरफाइनलमा सिरहाको सलहेश युवा क्लबलाई पराजित गर्दै सेमिफाइनलमा स्थान बनाएको हो । सेकाहा सामुदायिक क्लबले झापा–११ लाई हराउँदै अन्तिम चारमा प्रवेश गरेको हो । घरेलु जिल्लाको प्रतिनिधित्व गरिरहेका लोहरुङ र सेकाहामध्ये एक टोलीले फाइनलमा स्थान बनाउनेछ ।

सम्बन्धित समाचार

एनपिएलका सबै खेलले आइसिसीको मान्यता पाउने एनपीएलको नयाँ उडान: नेपाली क्रिकेटले खोजेको व्यावसायिक भविष्य एनपीएल विजेताले १ करोड ५० लाख रुपैयाँ पाउने श्रीलंकाका परेराले जनकपुर बोल्ट्सबाट एनपीएल खेल्ने एनपीएलमा आज दुईवटा खेल ह्यारी केनलाई ब्यालन डी’ओर एनपिएलः सुदूरपश्चिम रोयल्सको जित स्थापनाको ३०औँ वर्षमा आर्य फार्माल्याब एनपीएलको स्वास्थ्य साझेदारका रूपमा क्यानसँग तीनवर्षे सहकार्य