मुम्बई । केही समय यताबाट प्रेम सम्बन्धमा रहेका बलिउड अभिनत्री तमन्ना भाटिया र अभिनेता विजय वर्माले आफुहरु अब दाम्पत्य सम्बन्धमा बाँधिने बताएका छन् । दुई वर्षदेखि प्रेमसम्बन्धमा रहेकी यी दुई बलिउडको हट जोडीको रुपमा परिचित छन् । उनीहरुले अब विवाहमा बाँधिने कुरा सार्वजनिक गरेपछि यतिबेला प्रसँसकहरुले खुसी व्यक्त गरेका छन् ।

सुरुमा १२३ तेलुगु पोर्टलको दिएको अन्तरवार्तामा यी जोडीले २०२५ मा विवाह गर्ने योजना सार्वजनिक गरेका थिए । त्यसपछि अरु भारतीय सञ्चार माध्यममा कुरा गर्दै अभिनेता विजय वर्मा र अभिनेत्री तमन्ना भाटियाले चाँडै विवाह गर्ने योजना सुनाएका हुन् । यसका लागि आफुहरुले विवाहको तयारी पनि सुरु गरिसकेका यी दुईले बताएका छन् । उनीहरु विवाहपछि सँगै बस्नका लागि केही विलासी अपार्टमेन्ट पनि खोजिरहेको बताएका छन् ।

विजय वर्मा र तमन्ना भाटियाको डिसेम्बर २०२२ बाट प्रेम सम्बन्ध सुरु भएको थियो । उनीहरुले पहिलो पटक लस्ट स्टोरीज २ मा सँगै काम गरेका थिए । यो चलचित्रमा उनीहरुको केमेस्ट्रीलाई फ्यानहरुले रुचाएका छन् । २०२३ मा अभिनेत्री तमन्नाले अभिनेता विजयसँग आफ्नो प्रेम सम्बन्ध पुष्टि गरेकी हुन् । उनले आफ्नो प्रेमीलाई आफ्नो ‘खुशी ठाउँ’ भनेकी थिइन् । अर्कोतर्फ, विजयले पनि एक अन्तर्वार्तामा तमन्नसँगको आफ्नो सम्बन्ध बलियो र प्यारो रहेको खुलासा गरेका थिए ।

अभिनेत्री तमन्ना भाटिया पछिल्लो पटक ‘स्त्री २’ को आइटम गीतका कारण चर्चामा छिन् । यस चलचित्रको गीत ‘आज की रात’ निकै हिट भयो र उनको अभिनयले प्रसँसा पनि पायो । अभिनेता बिजय भने पछिल्लो समय नेटफ्लिक्स श्रृंखला ’आइसी ८१४ः द कन्दहर हाईज्याक’ मा प्रस्तुत भएका छन् । उनले पनि यो सिरिजबाट निकै प्रशंसा पाईरहेका छन् ।

सम्बन्धित समाचार

भारतीय अभिनेता दिल्ली गणेशको निधन चलचित्रमा विपिनले निभाए आफ्नै बुवाको चरित्र जनकपुरमा सामा–चकेवा मूर्तिकला निर्माण कार्यशाला ‘ग्ल्याम नेपाल इन्टरनेशनल २०२४’ का लागि ३० मोडल वास्तविक घटनामा केन्द्रित भिडियो बाबा आमा कास्टिङ क्राउचको प्रस्ताव वारम्बार झेलेकी कृतिका कमेडी क्लब च्याम्पियन अब कमेडी नाईट वीथ च्याम्पियन रिमै सुरु, दयाहाङ र रिस्मा फेरीसँगै नेपाल अफ्रिका अन्तराष्ट्रिय चलचित्र महोत्सबलाई चलचित्र आह्वान फिल्म ‘ह्रस्व दीर्घ’ ले ५ दिनमा कति कमायो ? डा. आयुष्नोभा मिस इन्टरकन्टिनेन्टल’का लागि इजिप्ट जाँदै आइफोनले खिचेको नेपाली चलचित्र प्राइम भिडियोमा