विराटनगर । मोरङ, सुनसरी र संखुवासभाका बिभिन्न स्थानहरुबाट प्रतिबन्धित लागुऔषध सहित १२ जनालाई प्रहरीले पक्राउ गरेको छ । लागूऔषध नियन्त्रण व्यूरो काँकरभिट्टाबाट खटिएको प्रहरी टोलीले झापाको मेचीनगर गरपालिका-६ स्थितबाट मुगुका २२ बर्षीय हिरा प्रसाद जैसीलाई २ ग्राम ब्राउन सुगर, दमक नगरपालिका-३ का २५ बर्षीय मनिश कुमार धिमाललाई पक्राउ गरेको कोशी प्रदेश प्रहरी प्रवक्ता भीम बहादुर दाहालले जानकारी दिए।

यस्तै,दमक-४ का २४ बर्षीय मनिश अधिकारीलाई ६ ग्राम ८ सय ४० मिलिग्राम ब्राउन सुगर, मेचिनगर नगरपालिका-१० का ३३ बर्षीय नेसरु मियालाई २ ग्राम १ सय १० मिलिग्राम लागुऔषध ब्राउन सुगर सहित र प्रहरी चौकी चारआलीले मेचीनगर -१२ का २७ बर्षीय पवन राईलाई २ ग्राम ब्राउन सुगर सहित नियन्त्रणमा लिएको प्रवक्ता दाहालले बताए ।

यसैगरी जिल्ला प्रहरी कार्यालय संखुवासभाले सुनसरी इटहरी-४ का २३ बर्षीय बिष्णु शर्मालाई ६ सय मिलिग्राम ब्राउन सुगर सहित र लागूऔषध नियन्त्रण व्यूरो विराटनगर र इलाका प्रहरी कार्यालय रानीको संयुक्त प्रहरी टोलीले बिराटनगर-४ का २७ बर्षिय रोहित थापामगर र बिराटनगर-१५ का २३ बर्षीय बिक्रम कुमार साहलाई २ ग्राम ५६ मिलिग्राम ब्राउन सुगर सहित पक्राउ गरिएको उनले बताए।

यसका साथै वडा प्रहरी कार्यालय धरान सुनसरीले प्रतिबन्धीत औषधी ट्रामानिल -५० क्याप्सुल र स्पास्पेन-५० चक्की सहित धरान-१३ का २१ बर्षीय राज कुमार बिश्वकर्मालाई र अस्थायी प्रहरी चौकी जनताबस्ती सुनसरीले इटहरी-५ का ४१ बर्षीय कुमार परियार र मोरङ सुन्दरहरैचा नगरपालिका-८ का २७ बर्षीय सुमन कार्कीलाई १ ग्राम १७ मिलिग्राम ब्राउन सुगर सहित नियन्त्रणमा लिएको छ भने प्रहरी चौकी घुस्की सुनसरीले २५ किलो गाँजा सहित ओसार पसारमा संलग्न सुनसरी हरिनगरा गाउँपालिका-७ का ३० बर्षीय जलामुदिन मियालाई नियन्त्रणमा लिएको जनाएको छ।

प्रतिबन्धित लागुऔषध सहित पक्राउ परेका सबैजनाको सम्बन्धित प्रहरी कार्यलयहरुबाट थप अनुसन्धान भईरहेको कोशी प्रदेश प्रहरी कार्यालय बिराटनगरले जनाएको छ ।

सम्बन्धित समाचार

९ लाख रुपैयाँसहित १५ जुवाडे पक्राउ सताक्षीधाम मन्दिरका अध्यक्षसहित १८ जुवाडे पक्राउ संखुवासभाको चिचिलामा एक जनाको हत्या, भिरमा भेटियो शव धरानबाट प्रतिबन्धित औषधी सहित ६ जना पक्राउ ३ सय किलो गाँजा सहित कृषि फर्मका संचालक मनिराज पक्राउ बलान खोलामा डुबे मगर आज फाल्गुनन्द जन्मजयन्ती मनाइँदै भान्छा कोठामा सल्किएको आगोले खोटाङमा ११ लाख बढीको क्षति पूर्वमन्त्री लिलावल्लभ अधिकारीलाई थप अनुसन्धानका लागि काठमाडौं ल्याइयो काभ्रेमा छोराले गरे ७४ बर्षका बाबुको हत्या सहिदभूमिका युवा एक महिनादेखि वेपत्ता वनको र ऐलानी जमिन हडपेर निमाण भएको फन पार्क बन्द