काठमाडौं । तीन वटा चलचित्रमा अनुबन्धित भएका बसेका अभिनेता विपिन कार्कीले यतिबेला नयाँ चलचित्र कर्मालाई समय दिएका छन् । आफ्नो नयाँ चलचित्र ‘तेल भिसा’को प्रचारमा जुटेका यी अभिनेताले अर्को साताबाट कर्माको काम सुरु गर्ने बताएका छन् । ७ मँसिरमा उनको नयाँ चलचित्र तेल भिसा नेपालमा रिलिज हुँदैछ ।

त्यसपछि केही दिन अभिनय कार्यशालामा बसेर २० मँसिरबाट आफु कर्माको छायाँकनमा जाने पनि विपिनले बताएका छन् । चलचित्र कर्मामा विपिनसँगै अर्का अभिनेता मुकुन भुसाल र अभिनेत्री उपासना सिंह ठकुरी पनि जोडिएकी छिन् । चलचित्र कर्मा एक्सन प्रधान भएकाले यसको लागि विपिन अहिले एक्सनको अभ्यासमा छन् । उनीसँगै पनि मुकुन पनि एक्सन अवतारमै यो चलचित्रमा देखिने भएका छन् ।

यो चलचित्रलाई गत वर्ष प्रदर्शित चलचित्र ‘अगस्त्य’का निर्देशक सौरभ चौधरीले निर्देशन गर्दैछन् । चलचित्रलाई दशैंपछि छायाँकन गर्ने भनिए पनि कलाकारको व्यस्ताको कारण २० मँसिरबाट छायाँकन सुरु गर्न लागेको सौरभले राजधानीलाई बताएका छन् । चलचित्रलाई दाङ, रुकुम आसपास छायाँकन गर्ने र आगामी २९ चैतबाट नयाँ वर्षको अबसरमा नेपालमा रिलिज गर्ने पनि उनले बताएका छन् ।

चलचित्रको शिर्ष कलाकार चयन गरिसकिएको पनि सौरभले बताएका छन् । यो चलचित्रमा विपिन र मुकुनलाई यसपटक दर्शकले विगतको चलचित्र भन्दा भिन्न चरित्रमा देख्न पाउने पनि यी निर्देशकको दाबी छ । अभिनेता मुकुन भुसाल यसमा नकारात्मक भूमिकाको लागि अनुबन्धित भएको पनि सौरभले खुलाएका छन् । मुकुनको अहिले नयाँ चलचित्र ‘पूर्ण बहादुरको सारङ्गी’ले बक्स अफिसमा उच्च सफलता हाँसिल गरिरहेको छ ।

सम्बन्धित समाचार

‘मुटु रेटियो’ मा मुकुन्द भट्ट र स्मारिका ढकालको अभिनय शाहरुखले पुरा गरे आफ्नो घर अगाडी ९५ दिनदेखि पर्खिरहेका फ्यानको सपना कम्बोडियाको अनुभव बोकेर फर्किएका दीपेन्द्र गौचन बक्स अफिसमा ‘पूर्ण बहादुरको सारङ्गी’को धमाका पूर्णबहादुरको सारंगी बिहान ४ः४५ देखि राती २ः२० सम्म हलमा प्रदर्शन भारतीय अभिनेता दिल्ली गणेशको निधन चलचित्रमा विपिनले निभाए आफ्नै बुवाको चरित्र जनकपुरमा सामा–चकेवा मूर्तिकला निर्माण कार्यशाला बिनयको नयाँ गीत ‘किन छिन् छिन्’ सार्वजनिक ‘ग्ल्याम नेपाल इन्टरनेशनल २०२४’ का लागि ३० मोडल फेरि परालको आगो निर्माण हुँदै वास्तविक घटनामा केन्द्रित भिडियो बाबा आमा