मुगु । जिल्ला अस्पाताल मुगुमा रहेको एम्बुलेन्स बिग्रेर कवाड भन्दै थन्काइएको एम्वुुलेन्स पुनः मर्मत गरेर सञ्चालनमा ल्याइन थालिएको छ । उक्त एम्बुलेन्स ४ बर्ष अगाडी बिग्रेर काम लाग्दैन भनेर कवाडमा थन्किएको एम्बुलेन्सलाई मर्मत गरेर पुनः सञ्चालनमा ल्याउन लागिएको हो ।

जिल्ला अस्पाताल विकास समिति मुगुका अध्यक्ष गजेन्द्रबहादुर मल्लको विशेष पहलमा एम्वुलेन्स मर्मत गराई सन्चालनमा ल्याउन थालिएको र सामान्य बिग्रेर कवाड भन्दै ४ बर्ष अगाडीदेखि थन्काइएको हुँदा मर्मत गराइ पुरै नयाँ अबस्थामा ल्याई सन्चालनमा आउने भएको बताइएको छ ।

अस्पातालमा एउटै एम्बुलेन्सले विरामीलाई सेवा दिदै आएकोमा अब केही समयपश्चात दुईवटा एम्बुलेन्सले विरामीको सेवा दिने भएको जिल्ला अस्पाताल ब्यवस्थापक तथा कार्यालय प्रमुख डाक्टर निर्मल नगरकोटीले जानकारी दिए ।

जिल्ला अस्पाताल मुगुमा रहेको उक्त एम्बुलेन्स बिग्रेर कवाडमा थन्काइएपछि पुन नयाँ एम्बुलेन्स खरिद गरिएको थियो । एउटै एम्बुलेन्स सञ्चालनमा रहेको हुँदा विरामीको चाप बढीरहेको अवस्थामा निकट भबिष्यमा जिल्ला अस्पाताल मुगुमा २ वटा एम्वुलेन्सले बिरामी बोकेर सेवा दिने जनाइएको छ ।

राज्यको सम्पत्ती दोहोन गर्नु भनेको भष्ट्रचार हो, त्यसैले संस्थामा रहेको जुन सामाग्रीलाई मर्मत सम्भार र सुरक्षा गरेर उपयोगमा ल्याउनु पर्छ, त्यो नै संस्था र आम मानिसको हित हो भन्दै पुरानो चार बर्षदेखि थन्किएको एम्बुलेन्सलाई मर्मत गरी प्रयोगमा ल्याउन थालिएको अस्पाताल विकास समितिका अध्यक्ष मल्लले बताए ।

सम्बन्धित समाचार

कहाँ पुग्यो भ्रष्टाचार काण्डको अनुसन्धान ? ओखलढुंगाबाट काठमाडौं हिँडेको सुमो दुर्घटना, ३ जनाको मृत्यु कुकुरले खाएको अवस्थामा नवजात शिशुको हात फेला, हत्याको आशंका निकुञ्ज ऐन संशोधन बदर अवकाशमा जाने समय आयो, आएन मुद्दा सुनुवाइको पालो प्रधानमन्त्रीवाट एचपिभी खोप अभियान शुभारम्भ मन्त्रीको गाडीलाई साइड नदिएकोआरोपमा ३ जना ट्रक चालकलाई कारबाही रौतहटका न्यायाधीशविरूद्ध ‘पीडित’ परिवारै धर्नामा ओलम्पिक कमिटीको निर्वाचन अवैध ठहर बैंक तथा वित्तीय संस्थाको खराब कर्जा अधिक एफडब्लुएलडीले सिड कमिटीमा बुझायो नागरिक समाजको छायाँ प्रतिवेदन रौतहटका न्यायाधीश केसीबिरूद्ध गौरमा प्रदर्शन