स्याङ्जा । फागुन १५ गते रेविज लक्षण देखिएका जनावर किनबेच गरेको आरोपमा पक्राउ परेका दुईजनालाई जिल्ला अदालत स्याङ्जाले पुर्पक्षका लागि जेल पठाइदिएको छ । वालिङ ५ का ५५ बर्षिय राजेन्द्र केसी र वालिङ ८ बस्ने शंसुदिन मियालाई जिल्ला अदालत स्याङ्जाले संक्रामक रोग फैलाउने कार्यमा संलग्न रहेको ठहर गर्दै पुर्पक्षका लागि जिल्ला कारागार स्याङ्जा पठाएको हो । रोगी पशु किनबेचमा ४ जना संलग्न भएपनि २ जना मात्रै पक्राउ परेका थिए भने दुईजना अझै फरार रहेका छन् ।

जिल्ला अदालत स्याङ्जाका न्यायधिस सरीता रायमाझीको इजलासले प्रतिवादीको थुनछेक बयानका आधारमा दुईजनालाई पुर्पक्षका लागि थुनामा पठाउने आदेश अनुसार जेल चलान गरिएको श्रेस्तेदार भुमिप्रसाद शर्माले जानकारी दिए । केसी र मिया चैत्र ११ गते जिल्ला कारागार पुर्पक्षका लागि जेल चलान भएको शर्माले बताए । उक्त कार्यमा संलग्न रहेका भीरकोट १ का नजबुन हसन मिया र भीरकोट २ का प्रेमबहादुर सार्की फरार रहेका छन् । सार्की सवारी चालक हुन भने मिया भैसी किन्ने व्यपारी रहेको बताइएको छ ।

स्याङ्जाको वालिङ नगरपालिका ५ राजेन्द्र बहादुर केसीको भैसीमा रेविज संक्रमण देखिएको थियो । केसीले आफ्नै घरमा पालेका संक्रामक रोग रेविजको लक्षण देखिएका जनावरहरु भैसी, भैसीको पाडा, बाख्रा र बाख्राको पाठी एक एक वटा गरी जम्मा ४ वटा घरपालुवा जनावर वालिङ नगरपालिका ८ बस्ने ५० वर्षीय शंसुदिन मियाँलाई बिक्री गरेका थिए । रेविज रोग लागेका पशुहरु वालिङ नगरपालिकाले निगरानीमा राखेको थियो । नगरपालिकाले निगरानीमा राखेकै बेला केसीले शंसुदिन मियालाई बिक्रि गरेका थिए । मियाले रोग लागेका जनावरहरु खरिद गरी ग २ च २७६० नम्बरको सवारी साधनमा राखेर वालिङ बजार हुँदै भीरकोट नगरपालिका बयरघारी तर्फ लैजादै गरेको अवस्थामा वालिङ नगरपालिका १ बाट प्रहरीको टोलीले फेला पारेको थियो ।

मृतक भैसीको वालिङ नगरपालिकाबाट पशु प्राविधिक टोलीबाट किटद्धार परीक्षण गर्दा संक्रामक रोग रेविजको लक्षण पुष्टि भएको थियो । दुवै जनालाई सङ्क्रामक रोग फैलाउन नहुने कसूरमा प्रहरीले मुद्धा चलाएको थियो । मुलुकी अपराध संहिता २०७४ को परिच्छेद ५ मा सार्वजनिक हित, स्वास्थ्य, सुरक्षा, सुविधा र नैतिकता बिरुद्धको उपदफा १०४ संक्रामक रोग फैलाउन नहुने कानुन अनुसार पक्राउ परेका थिए । उक्त दफामा कसुर गर्ने वा गराउने व्याक्तिलाई दश बर्ष कैद र १ लाख जरिवाना, लापरवाही पुर्वक गरेको भएमा ५ बर्ष कैद र ५० हजार जरिवाना तथा हेलचक्राई गरेको भएमा तीनबर्ष कैद र तीसहजार जरिवानाको व्यवस्था छ ।

सम्बन्धित समाचार

नागरिकता कीर्ते सहित तीन मुद्दाका अभियुक्त धरौटीमा छुटे इन्स्पेक्टर महत मृत्यु प्रकरणमा २ जना पुर्पक्षका लागि थुनामा मुक्तिनाथ भ्रमणमा आएकी अमेरिकन महिलाको लेकसाइडको होटलबाट अपहरण साढे २५ करोडको बृहत खानेपानी योजनो अलपत्र इलाका प्रहरीको कार्यालय अगाडी बोलाएर युवकमाथि खकुरी प्रहार मनाङको ताल गाउँमा साइरन जडान भक्तपुरमा कवाडी टिप्ने एक वृद्धको हत्या, अनुसन्धान गर्दै प्रहरी साइकल र्‍यालीमा ५६ जना सहभागी वित्तिय शिक्षा सिकाउदै गरिमा बैंक पृथ्वीनारायण क्याम्पसमा अनेरास्ववियुका विष्णु पोखरेल निर्वाचित होस्टेलको बाथरुममा छात्रा मृत