जनकपुरधाम । नेपाल र भारतबीच साँस्कृतिक, धार्मिक र ऐतिहासिक सम्बन्धले गहिरो जरा गाडेको छ । यी दुई देशका जनताबीचमा धार्मिक परम्परा र चाडपर्वहरूले विशेष नजिकको सम्बन्ध राख्छन् । यसै सन्दर्भमा, कार्तिक पूर्णिमामा हुने कमला नदी स्नानले नेपाल र भारतबीचको धार्मिक–सामाजिक सम्बन्धलाई अझै प्रगाढ बनाउँदै आएको छ ।

यसै अवसरमा नेपाल भारत खुला सिमा संबादले नेपाल भारतबाट आएका साधुसंतहरुको लागी संस्थाको मधेस प्रदेश सहसंयोजक दिपक यादवको संयोजकत्वमा साधु सम्मान र भण्डाराको आयोजना गरिएको छ । करीब दुई सय ५० को संख्यामा रहेको साधु संतहरुलाई दही, च्युरा, चिनी, तरकारी अचारको भण्डारा (खाना) गराईएको छ ।

कार्तिक पूर्णिमा र कमला नदी स्नानको महत्वको ’boutमा बोल्दै संस्थाका अध्यक्ष राजीव झाले कार्तिक पूर्णिमा हिन्दू धर्मको पवित्र पर्व हो, जसमा विशेषगरी धार्मिक अनुष्ठान, स्नान, र पूजापाठ गर्ने गरिन्छ । यस दिनलाई “देव दिवाली” पनि भनिन्छ । यो दिन गंगा, सरयू, यमुना, र नेपालका नदीहरूमा स्नान गर्ने परम्परा छ । जनकपुर क्षेत्रका श्रद्धालुहरूको लागि विशेषगरी कमला नदीमा स्नान गरेर पुण्य प्राप्त गर्ने मान्यता रहेको बताउदै उनले यो अवसरमा कमला नदीको किनारमा मेला लाग्ने गरेको बताए । जहाँ नेपाल र भारतका बिभिन्न स्थानबाट आएका श्रद्धालुहरूले सामूहिक रूपमा स्नान गर्छन् ।

प्रदेश सहसंयोजक दिपक यादवले नेपाल–भारत सम्बन्धमा कमला नदी स्नानको भूमिकाको ’boutमा बोल्दै कमला नदी नेपाल र भारतको सीमामा पर्ने नदी हो । यसरी नेपाल र भारतका बासिन्दाले एकै स्थानमा स्नान गर्ने परम्पराले सांस्कृतिक आदान–प्रदानको अवसर सिर्जना गर्दछ । कार्तिक पूर्णिमाको यस विशेष स्नानमा दुवै देशका जनताबीचको आपसी मेलमिलाप, सद्भाव, र सहकार्यलाई प्रवद्र्धन गर्न योगदान गरेको बताए ।

संस्थाका कार्यालय सचिब कृष्ण कुमार साह नेपाल र भारतबीच धार्मिक–विकासमा पनि कमला नदी स्नानको महत्वपूर्ण भूमिका रहेको बताए । हरेक वर्ष मेला भर्न आउने हजारौं तीर्थयात्रीहरूले पर्यटन क्षेत्रलाई चलायमान राख्छन्, जसले स्थानीय व्यवसायलाई पनि मद्दत पुर्याएको उनले बताए ।

साथै, दुई देशका स्थानीय प्रशासनले यस पर्वलाई व्यवस्थित बनाउन सहकार्य गर्दै आएका छन्, जसले दुई देशबीचको प्रशासनिक सम्बन्धलाई अझ बलियो बनाउने काम गर्छ । सतोखर घाट मंन्दिरको महन्त श्री शिव दयाल दास बाबाले कार्तिक पूर्णिमामा हुने कमला नदी स्नान केवल धार्मिक परम्परामा मात्र सीमित नभएर नेपाल–भारत सम्बन्धलाई अझ गहिरो बनाउन महत्त्वपूर्ण साधन बनेको बताए । धार्मिक र सांस्कृतिक सहकार्यको प्रतीक यस पर्वले नेपाल र भारतका जनताबीचको ऐक्यतालाई प्रगाढ बनाउँदै लैजाने विश्वास गर्न सकिन्छ बताए ।

सम्बन्धित समाचार

रौतहटमा जंगली हात्तीको आक्रमणबाट महिलाको मृत्यु छठसँगै खुसी आउँछ डोम समुदायमा पोखरीमा कारसहित डुबेका २ जनाको शव निकालियो मिथिलामा छठको रौनक शुरु छठ पर्वका व्रतालु महिलालाई साडीसँगै पुजा समाग्री हनुमाननगरमा ७ हजार विद्यार्थीको पठनपाठन ठप्प डाक्नेश्वरी नगरपालिकाविरुद्ध अवहेलना मुद्दा सवारी दुर्घटना १ को मृत्यु, १२ जना घाइते एकैपटक १२ हजार बढि छात्राले लिए आत्मरक्षा तालिम पुजारी र कर्मकाण्ड विनै हुने छठपर्वको तयारी तीब्र उदाउदो सूर्यलाई अर्घ दिदै लोक आस्थाको महान पर्व छठ सम्पन्न रौतहटमा अज्ञात व्यक्तिद्वारा प्रधानाध्यापकमाथि गोली प्रहार