काठमाडौं । सन् १९८६ मा दार्जिलिङमा भएको गोर्खाल्यान्ड आन्दोलनको पृष्ठभूमिमा नेपाली चलचित्र ‘बमबहादुर’ निर्माण गरिएको छ । यो चलचित्र यही ५ पुषबाट नेपाल र भारतमा एकसाथ रिलिज हुँदैछ । बमबहादुरको शिर्ष भूमिकामा अभिनेता सौगात मल्लले अभिनय गरेका छन् ।

चलचित्र बमबहादुरमा काम गरेपछि नेपाली भाषीहरुको नेपाल र नेपाली भाषा प्रतिको महत्वलाई आफुले अझ नजिकबाट बुझ्ने अबसर पाएको यी अभिनेताले बताएका छन् । भूगोल फरक भएपनि नेपाल बाहिरका नेपाली भाषीमा नेपालीप्रति आफनत्वको भावना आफुले धेरै नै पाएको पनि उनले बताएका छन् । सौगातको भनाईमा मुलुक बाहिर रहेका नेपाली भाषीहरु आफुलाई नेपाली भन्दा गौरवको महसुर गर्दा रहेछन् ।

पत्रकार भेटघाटका क्रममा अभिनेता सौगातले यो चलचित्रको कथा आफ्नै जस्तो लागेको पनि बताएका छन् । यसले नेपाल र प्रवासमा रहेका सबै नेपाली दर्शकको मन जित्ने पनि यी अभिनेताले जिकिर गरेका छन् ।

‘चलचित्रले मानव जीवनका आरोह–अवरोहहरूलाई पर्दामा उतारेको छ । यसले भारतका नेपाली, विशेष गरी दार्जिलिङ पहाड र छिमेकी क्षेत्र डुअर्समा बसोबास गर्ने नेपाली समुदायको संघर्षको पलहरूलाई निकै मार्मिक ढङ्गले चित्रण गरेको छ ।’ अभिनेता सौगातले पत्रकारसंग भने ।

दार्जिलिङ तथा डुवर्समा बमबहादुरको छायांकनको क्रममा आफुले निकै सम्मान पाएको अनुभव पनि यी अभिनेताले सुनाए । सञ्चारकर्मीसंग सौगातले भने, ‘यो चलचित्रको छायांकनको क्रममा त्यहाँ जुन खालको सम्मान पाएँ, ती ठाउँहरू मेरालागि एकदमै प्रिय भएका छन् । यो चलचित्र राम्रो बनेकोले हामी सबैको मन जित्ने विश्वास मैले लिएको छु ।’

चलचित्र बमबहादुरमा आफ्नो पात्र बिद्रोहीसँगै रोचक पनि भएको यी अभिनेताले बताएका छन् । त्यस्तो पात्रमा आफुले अहिलेसम्म काम नगरेको पनि सौगातले जिकिर गरे । सुरुमा यो चलचित्रको कथा सुन्दा त्यसलाई कसरी चलचित्रमा बुन्न सकिन्छ होला भन्ने उनलाई लागेको थियो । तर पुरा स्कृप्ट तयार भएपछि आफुलाई काम गर्न साह्रै सजिलो भएको पनि सौगातले बताएका छन् ।

यो चलचित्रको स्कृप्ट पढ्दा सौगातलाई आफ्नै कथा जस्तो महसुस भएको थियो । पुरा स्कृप्ट पढेपछि आफु निकै भावुक भएको पनि यी अभिनेताले बताएका छन् । त्यसपछि तुरुन्तै आफु यो कथामा काम गर्न तयार भएको पनि उनले जानकारी गराएका छन् । अभिनेता सौगात मल्लले चलचित्र बमबहादुरमा दर्शकले आफ्नै कथा देख्ने अपेक्षा गरेका छन् ।

यो चलचित्रको लेखक तथा निर्देशक जोन राई हुन् । उनले पनि निकै राम्रो काम गरेको सौगातले बताएका छन् । चलचित्र मार्फत दार्जिलिङ, डुअर्सका नेपाली भाषीहरुको जातीय तथा भाषिक अधिकार र त्यसको लागि उनीहरुले गरेको संघर्षको कथालाई यो चलचित्रमार्फत राईले दस्तावेज गर्न लागेको कथन सौगातको छ । यसले एउटा इतिहासलाई जिवित राख्ने विश्वास यी अभिनेताले लिएका छन् । यस्तो बास्तविक कथामा फेरी काम गर्ने अबसर कमै मिल्ने पनि सौगातले बताएका छन् । चलचित्रमा सौगात मल्लको जोडीको रुपमा अभिनेत्री अनिशा रसाइली छिन् । अनिशाको कामको पनि सौगातले खुलेर प्रसंसा गरेका छन् ।

सम्बन्धित समाचार

प्रताप दासको मस्त जवानीमा उषा र बिजुको अभिनय ११ चलचित्र घरमा ताला श्री बुकुरो लिएर फर्किए भूपाल महंगा कारका सौखिन रजनी कान्तद्वारा करोडौं दान नेपाली चलचित्र प्रदर्शनीमा कोटा छुट्याउन प्रदीपको माग अब माग्ने बुढा पनि मुख्य नायक पहिलो साता पुष्पा २ ले विश्वव्यापी कमायो १००० करोड रामचन्द्र काफ्लेको ओई सुवा ओई बाज दाङबाट विपिन र उपासनाको कर्मा सुरु पत्रकार सम्मेलनमा अल्लु अर्जुनले माफी मागे विश्व प्रसिद्ध तवलावादक जाकिर हुसैनको निधन प्रधानमन्त्री मोदी र सैफअलीको भिडियो भाईरल