न्युयोर्क । अमेरिकी गायिका तथा अभिनेत्री जेसिका सिम्पसन यति बेला आफ्नो एउटा विवादास्पद भनाइले भाइरल भएकी छिन् । उनी माधुर्य आवाजका लागि परिचित छिन् । तर आफ्नो आवाज माधुर्य बनाउनुको रहस्य खुलासा गर्ने बित्तिकै यी गायिका एवम् नायिकाले विवादको सामना गर्नु परेको छ ।

गायिका जेसिका सिम्पसनले आफ्नो आवाज माधुर्य हुनुको पछाडिको शक्ति सर्पको शुक्राणु भएको बताएकी छिन् । जेसिकाले इन्स्टाग्राम रिलमा आफ्नो गायन प्रदर्शन सुधार गर्न सिरप जस्तो सर्पको शुक्राणुको सप्लिमेन्ट सुप लिइरहेको कुरा सार्वजनिक गरेकी छिन् ।

गायिका जेसिकाको यो कुरा बाहिर आएपछि धेरैले यसको निन्दा समेत गरे । उनका केही प्रशंसकहरूले यो विषयमा खोजी गर्दा उनले प्रयोग गरेको खनिज तत्त्वमा अनौठा सामग्री पाएपछि उनको कुराको विश्वास समेत गरेका छन् ।

आफूले लिँदै आएको खनिजसहितको सप्लिमेन्ट सर्पको शुक्राणुबाट बनेको उनले दाबी गरेकी छिन् । उनको यो खुलासाले सामाजिक सञ्जाल प्रयोगकर्ताहरूलाई छक्क पारेको छ । धेरैले त उनलाई हास्यको पात्र समेत बनाए ।

चिनियाँ हर्बल पेय पदार्थ पिउँदै पहेँलो पहिरन र नीलो ज्याकेट लगाएर बनाएको भिडियोमा सिम्पसनले आफूले प्रयोग गर्दै आएको सर्पको शुक्राणुयुक्त पेय पदार्थको ’boutमा जानकारी गराएकी छिन् । यो कुराले उनको सांगीतिक समूहका सदस्यहरू पनि छक्क परे ।

‘तिमी के पिउँदै छौ भनेर मेरा ब्यान्डका साथीहरुले समेत प्रश्न गर्छन ?’ सिम्पसनले भिडियो क्लिपमा भनेकी छिन्, ‘विभिन्न खनिज र सर्पको शुक्राणु मिश्रित यो एक चिनियाँ जडीबुटी युक्त सप्लिमेन्ट्स हो र मेरो स्वर प्रशिक्षकले मलाई यो पिउनुपर्छ भनेपछि मैले यसलाई प्रयोग गर्दै आएको छु,’ पछि गुगलमा खोजी गर्दा यो सर्पको शुक्राणु भएको र यसको स्वाद मह जस्तै भएको जानकारी आफुले पाएको यी गायिकाले बताएकी छिन् ।

आफ्नो स्वर प्रशिक्षक गुरुको कथन’bout उनले अगाडि भनिन्,‘यदि तिमी राम्रो स्वर चाहन्छौ भने, तिमीले यो सप्लिमेन्ट पिउनु पर्छ भनेर मेरो प्रशिक्षकले यो सामग्री दिएपछि मैले त्यसलाई पिउन थालेँ,’ सेवन गर्न थालेको केही समयपछि त्यसमा सर्पको शुक्राणु रहेको कुरा आफूले बल्ल जानकारी पाएको पनि उनले बताएकी छिन् ।

सिम्पसनको कथनमा त्यो सप्लिमेन्ट्सले उनको आवाज राम्रो बनाएको छ । त्यसैले यसलाई ट्रोल नबनाएर स्वाभाविक रूपमा लिइदिन उनले आफ्ना प्रशंसकहरूलाई अनुरोध गरेकी छिन् ।

सम्बन्धित समाचार

एक्सनले भरिएको सिकंदरको ट्रेलर निश्चल बस्नेतले गाय चलचित्र महाभोजको गीत दिलिप रायमाझीसँग प्रियंका कार्कीको ठुम्का पर्दामा जोडीका रूपमा चम्केका यी देवर–भाउजू अशोक शर्माकी छोरी कृति पनि अभिनयमा आदिवासी, जनजाति चलचित्रकर्मीलाई बोर्डको ३४ लाख सहयोग कान्तिपुर थिएटरको निर्माण सुरु अलेकजेन्डरको कथामा सलमानको सिकंदर निमोनियाबाट हलिउड अभिनेता भ्याल किल्मरको निधन १४० पर्दाबाट चलचित्र वसन्त रिलिज सिकन्दरको तीन दिनको ग्लोबल व्यापार १४१.१५ करोड