काठमाडौं । कबड्डी शृंखलामा अभिनेता दयाहाङ राईसँगै काम गरेपछि अभिनेत्री रिस्मा गुरुङ त्यसपछि विवाह सम्बन्ध बाँधिईन् । यिनै अभिनेत्री आधा दशकपछि फेरी दयाहाङसँग नयाँ चलचित्रमा अभिनेत्रीको रुपमा फर्किएकी छिन् । मँगलबारबाट छायाँकन सुरु भएको चलचित्र ‘रिमै’मा यी दयाहाङ र रिस्मा जोडी बनेका छन् ।

लामो समयपछि चलचित्रमा आउँदा निकै रमाईलो लागेको रिश्माले बताएकी छिन् । यता दयाहाङ पनि चलचित्र छिरिङको छायाँकन सकेर एक महिनाको तयारी पछि यो चलचित्रमा जोडिएका हुन् ।

यो चलचित्रलाई खिल बहादुर गुरुङले निर्देशन गरिरहेका छन् । चलचित्र रिमैको मंगलबारबाट गोरखाको सिरानचोकदेखि छायाँकन सुरु गरिएको छ । छायाँकन अघि मंगलबार बिहान यो चलचित्रको शुभमुहूर्त गरियो । चलचित्रको मुहूर्त सर्ट अभिनेता दयाहाङ राई र अभिनेत्री रिस्मा गुरुङले दिएको पनि उनले बताए ।

चलचित्रको अबको एक महिनासम्म गोरखाको सिरानचोक, झार गाउँ, कुल गाउँ, भंगेरी, लासे, सिम्ले, गोहरे, चित्रेपोखरी र गोर्खा बजारमा छायांकन गरिने पनि निर्देशक गुरुङले जानकारी गराए । यो चलचित्रमा दयाहाङ र रिस्मासँगै बुद्धि तामाङ, गौमाया गुरुङ, कविता आले मगर, माओत्से गुरुङ, पुष्कर गुरुङ, वीरवल घले, डिवी गुरुङलगायतका कलाकारको अभिनय रहनेछ । रोहित कट्टेल प्रस्तुतकर्ता रहेको यो चलचित्रको कार्यकारी निर्माता रत्न श्रेष्ठ हुन् ।

उपेन्द्र सुब्बाको लेखन रहेको यो चलचित्रमा शैलेन्द्र ध्वज कार्कीको छायांकन रहने छ । चलचित्रमा बिष्णु मैनाली प्रोडक्सन म्यानेजर र मित्र डि गुरुङ सम्पादक रहने छन् । सिनमालाई आरआर फिल्मले वितरण गर्नेछ ।

गोरखा सिरानचोक एण्ड लिगगिगकोट फिल्मस् प्रालीको प्रस्तुती र आरआर फिल्मस् तथा रोटेपिङ इन्टरटेनमेन्टको सहकार्यमा निर्माण हुँदै गरेको यो चलिचत्रमा वीरवल घले, टिका गुरुङ र दुन बहादुर घले पनि निर्माता रहेका छन् । जसमा बिनु गुरुङ, रोशन भट्टराई राजेश घिमिरे सहनिर्माता छन् ।

सम्बन्धित समाचार

नेपालको यू-१९ महिला टी-२० विश्वकपको एसिया छनोटमा लगातार दोस्रो जित शाहरुखले पुरा गरे आफ्नो घर अगाडी ९५ दिनदेखि पर्खिरहेका फ्यानको सपना १२ वर्षपछि उत्तम प्रधान चलचित्रमा कम्बोडियाको अनुभव बोकेर फर्किएका दीपेन्द्र गौचन भ्वाईसको कोचबाट राजेश पायल र प्रमोद बाहिरिए, चार जना चयन पूर्णबहादुरको सारंगी बिहान ४ः४५ देखि राती २ः२० सम्म हलमा प्रदर्शन चलचित्रमा विपिनले निभाए आफ्नै बुवाको चरित्र बिनयको नयाँ गीत ‘किन छिन् छिन्’ सार्वजनिक ‘ग्ल्याम नेपाल इन्टरनेशनल २०२४’ का लागि ३० मोडल फेरि परालको आगो निर्माण हुँदै वास्तविक घटनामा केन्द्रित भिडियो बाबा आमा कमेडी क्लब च्याम्पियन अब कमेडी नाईट वीथ च्याम्पियन