काठमाडौं । भजन शिरोमणि भक्तराज आचार्यको जीवनीमा आधारित नेपाली फिल्म ‘आचार्य’ दर्शकका लागि डिजिटल प्लेटफर्ममा आएको छ । संसार भरिका दर्शकहरुले हेर्न पाउने उदेश्यले यसलाई युट्युव सहितको डिजिटल प्लेटफर्ममा रिलिज गरिएको निर्माण पक्षले जनाएको छ ।

चलचित्रलाई केही महिना अघि चलचित्र घरमा आएको थियो । हुन त १३ वर्षअघि नै पहिलो पटक यो चलचित्र प्रदर्शनी गरिएको थियो । आचार्यलाई भजन शिरोमणिप्रति श्रद्धाञ्जली अर्पण गर्ने उदेश्यले गत ७ असारबाट पुनः चलचित्र घरमा प्रदर्शन गरिएको थियो । गायक आचार्यको ८२ वर्षको उमेरमा गत फागुन १४ गते निधन भएको हो ।

त्यसपछि पनि दर्शकले यसलाई हेर्ने चाहना व्यक्त गरेकाकारण बुधवारदेखि यो चलचित्र यूट्युबमा रिलिज गरिएको यसका निर्देशक प्रशान्त रसाईलले बताए छन् । यसलाई ओएसआर डिजिटलको यु ट्युब च्यानल मार्फत सार्वजनिक गरिएको छ ।

गायक सत्यराज आचार्यले यो चलचित्रमा उनका बुवा भजन शिरोमणिको भूमिका हुबहु निर्वाह गरेका छन् । २०६८ असोज ६ गते पहिलो पटक सिनेमा हलमा प्रदर्शन गरिएको यो चलचित्रलाई पुनः सम्पादन गरी प्रदर्शनमा ल्याइएको सत्यराज आचार्यको भनाइ छ ।

यो चलचित्रमा गायक भक्तराज आचार्यको जीवनीका हरेक पाटालाई देखाइएको छ । यो चलचित्रमा गायक सत्यराज आचार्यसँगै सुनिल पोखरेल, अरुणा कार्की, दयाहाङ राई, विपिन कार्की, सौगात मल्ललगायत कलाकारले अभिनय गरेका छन् ।

सम्बन्धित समाचार

समीक्षा स्वरवद्ध ‘मुटु रेटियो’मा मुकुन्द भट्ट र स्मारिका ढकालको अभिनय कम्बोडियाको अनुभव बोकेर फर्किएका दीपेन्द्र गौचन बक्स अफिसमा ‘पूर्ण बहादुरको सारङ्गी’को धमाका अभिनेत्री निम्रत र अभिषेकको सम्बन्ध के हो ? भारतीय अभिनेता दिल्ली गणेशको निधन हलिउड चलचित्र ‘फ्र्याक्चर’को नेपालमा छायाँकन ‘पूर्णबहादुरको सारंगीको कथा संग्रामपुर उपन्यासबाट चोरियो’ चलचित्रमा विपिनले निभाए आफ्नै बुवाको चरित्र जनकपुरमा सामा–चकेवा मूर्तिकला निर्माण कार्यशाला दीपेन्द्रको दुःखी आत्माको क्लाप इन्ड ‘ग्ल्याम नेपाल इन्टरनेशनल २०२४’ का लागि ३० मोडल चलचित्र हेर्दा दर्शकलाई निःशुल्क पार्किङको माग