काठमाडौं । आम जनता पार्टी (आजपा)मा सुकुम्बासीहरु आबद्ध हुन थालेका छन् । नेपाल भूमीहीन सुकुम्बासी संघ र बिभिन्न पार्टीहरुमा आबद्ध सुकुम्बासी संगठनको मोर्चा संयुक्त सुकुम्बासी मोर्चा आजपामा प्रवेश गरेको छ ।

काठमाडौंको कोटेश्वर स्थित आजपा केन्द्रीय कार्यालयमा आज (बुधबार) दुवै संगठनका पदाधिकारी एवं सदस्यहरुले आजपामा प्रवेश गर्दै सुकुम्बासी आन्दोलनलाई निर्णाय बनाउने प्रतिबद्धता व्यक्त गरेका छन् ।

आजपा अध्यक्ष तथा पूर्वमन्त्री प्रभु साहले उनीहरुलाई पार्टीमा प्रवेश गराउदै लुटकारी दलतन्त्र र नेपालको पूँजी बिदेश लैजाने भगौडाबर्गको बिरुद्धमा हुने आन्दोलनसंगै अब उत्पीडित, अधिकार बिहिन, सुकुम्बासी, कबाडी, श्रेणीबिहीन कर्मचारीको हकअधिकार एवं आन्दोलनलाई निर्णय बनाउने प्रतिबद्धता व्यक्त गरेका छन् ।

‘मुलुक अहिले संकटमा छ । श्रमजीवि, उत्पीडित अधिकार विहिन सहितका बर्गहरु एकजुट भएर मुलुकलाई जोगाउँनुपर्ने जिम्मेवारी हाम्रो काँधमा छ । सुकुम्बासी बस्तीमा सुद्ध खानेपानी नदिनु सरकारले मानवता विरुद्धको अपराध गर्दैछ । सुकुम्बासीसंग कर लिने, मत लिने तर खाने पानी नदिने, बिजुलीबती नदिएर सरकारले मानवता विरुद्धको अपराध गदैछ,’ आजपा अध्यक्ष साहले भने, ‘बालुवाटार, ललिता निवास, पतञ्जलीको जग्गा आफ्नो नाममा गराउँने, बेचेर खाने तर सुकुम्बासीलाई जग्गा नदिने सरकारका बिरुद्धमा एकजुट भएर निर्णायक आन्दोलनमा जानका लागि जुटौं ।’

काम नगर्ने क्षेत्राधिकार बिहिन भुमी आयोगको काम नभएको बताउदै उनले आयोग कार्यकर्ता पाल्ने र जनता झुक्याउने मेलो बनेको बताए ।

नेपाल भूमीहिन सुकुम्बासी संघका अध्यक्ष कालबहादुर विक, उपाध्यक्ष अमर योङया, महासचिव एमडी सतार, कोषाध्यक्ष बिन्दा कटुवाल, सदस्य कृष्ण सापकोटा, संयुक्त राष्ट्रिय सुकुम्बासी मोर्चाका केन्द्रीय सचिव राम विष्ट लगायतका पदाधिकारी एवं सदस्यहरु आजपामा प्रवेश गरेका हुन् । उनीहरुलाई आजपा अध्यक्ष साहले टिका र खादा ओढाएर पार्टीमा प्रवेश गराएका हुन् ।

आजपा सहअध्यक्ष तिलक थापामगर र सुकुम्बासी संगठनका पदाधिकारीहरुले एकता पत्रमा हस्ताक्षर गरेका छन् । आजपा प्रवेश गर्दै नेपाल भूमीहिन सुकुम्बासी संघका अध्यक्ष कालबहादुर विकले अहिलेसम्म २३ आयोग बन्यो तर सुकुम्बासीहरुले लालपुर्जा अझै पाउन नसकेको बताए ।

सुकुम्बासी आयोग बनाउने र भत्ता खाने काम मात्रै भएको बताउदै उनले आफूहरुले बालेन साहलाई मतदान गरेर मेयरमा बिजयी गराए पनि उनले आफूहरुकै घर भत्काउन डोजर लिएर आएको बताए । आजपाको नेतृत्वमा अब निर्णाय आन्दोलन गर्ने र सुकुम्बासीहरुलाई अधिकार दिलाउँन सरकार र महानगरको बिरुद्धमा कडा रुपमा प्रस्तुत हुने बताए ।

‘श्रमजीविहरु अपमानित हुने र श्रम नगर्नेहरु सम्मानित हुने संस्कृतिमा रूपान्तरण सहित आम श्रमजीवि वर्गको मुक्ति तथा सुकुम्बासीहरुको समस्या समाधानका लागि आम जनता पार्टी र नेपाल सुकुम्बासी संघले लिदै आएको पहलकदमी र कामकारबाही एउटै दिशामा अग्रसर रहेको निचोड सहित साँझा कार्यभारका लागि सँगसँगैै सहयात्रा गर्दा सहज हुने निष्कर्षमा पुग्यौं,’ आजपा सहअध्यक्ष थापामगर र सुकुम्बासी संगठनका पदाधिकारी बीच भएको सहमतीमा पत्रमा उल्लेख गरिएको छ ।

यस्तै वास्तविक भुमिहिन, अव्यवस्थित बसोबास र बस्तीहरू तथा सुकुम्बासीहरुलाइ लालपूर्जा उपलब्ध गराउने प्रतिबद्धता सहित भू–माफियाहरुले सरकारी जग्गाहरू आफ्नो र आफ्नाको स्वामित्वमा गराएर मचाएका लुट आतंकको प्रतिवाद गर्ने सहमती भएको छ ।

गरिब, दलितलाई आवास र रोजगारको हक दिलाउन संघर्षका कार्यक्रम शसक्त रुपमा अगाडी बढाउँने, आम जनजीविकाका सवालहरू तथा शोषित, दमित र उत्पीडित वर्ग एवं समुदायका हकहितको प्राप्ति, रक्षा एवं विकास सहित देशमा धार्मिक स्वतन्त्रता, सामाजिक न्याय, समता, सुशासन, बदलाव र विकासका लागि जारी संघर्षहरुलाई निर्णायक बनाउदै अगाडी बढने सहमती भएको छ ।

आजपा संगठन विभाग प्रमुख एवं कार्यालय सदस्य अमर साहको अध्यक्षमा भएको पार्टी प्रवेश कार्यक्रमको सञ्चालन प्रवक्ता चन्द्रभुषण साहले गरेका थिए । कार्यक्रममा पार्टीका नेता, कार्यकर्ता, सुकुम्बासी संगठनका पदाधिकारी, सदस्य लगायतको विशेष सहभागिता रहेको थियो ।

सम्बन्धित समाचार

गगन किन गएनन सत्ता गठबन्धनको बैठकमा सरकार र आन्दोलनरत शिक्षकबीच निर्णायक वार्ता सुरु विद्यालय कर्मचारी परिषदद्वारा आन्दोलनको घोषणा, सरकार र महासंघबीचको सहमतिमा असन्तुष्ट सरकारको नीति तथा कार्यक्रमलाई असन्तुष्टिबीच कांग्रेसको समर्थन व्यवस्था परिवर्तन भो, जीवनस्तर सुधार भएनः पूर्व राष्ट्रपति भण्डारी ऊर्जा राज्यमन्त्री गर्बुजाले लिए पद तथा गोपनीयताको शपथ राष्ट्रिय विभुति सीताको जन्मजयन्ती नमनाएर प्रधानमन्त्री ओलीले लैंगिक विभेद गर्नुभो : प्रभु साह मल नदिएर सरकारले किसानमाथि अन्याय गरेको सांसद प्रभु साहको आरोप भारतको पक्षमा खुले जनार्दन शर्मा प्रभु साहले गभर्नर नियुक्तिवारे उठाए प्रश्न प्रधानमन्त्री कर्णालीको मार्सी चामाल चाखेको कुरा गर्दा संसदमा हाँसो प्रतिनिधिसभा बैठक: सरकारको नीति तथा कार्यक्रम पारित