काठमाडौं । दुई वर्ष अघि प्रदर्शन भएको चलचित्र जारीले त्यतिबेला वर्षकै सर्वाधिक व्यापार गरेको थियो । अहिले जारीको सिक्वेलको रुपमा ‘जारी–२’को निर्माण सुरु गरिएको छ । काठमाडौँबाट आईतबार पाँचथर तर्फ लागेको यो चलचित्रको युनिटले मंगलबारबाट पाँचथरदेखि चलचित्र जारी २ को छायांकन सुरु गरेको छ । चलचित्रको सोमबार शुभ साईत गरिएको थियो ।

छायांकन सुरु भएसँगै यो चलचित्रलाई आगामी दशैंको फुलपातीबाट रिलिज गर्ने घोषणा पनि निर्माण पक्षले गरेको छ । चलचित्र जारी २ मा जारीकै कलाकारहरु दयाहाङ राई, मिरूना मगर, विजय बराल, पुष्कर गुरुङ, बुद्धि तामाङ, प्रेम सुब्बा, माओत्से गुरुङ, कमलमणि नेपाल, अनिल सुब्बा, सिर्जना निङलेखुको अभिनय रहेको छ । जारी २ मा ऋचा शर्मा थपिएकी छिन् ।

यो चलचित्रलाई उपेन्द्र सुब्बाले निर्देशन गरिरहेका छन् । लिम्बू समुदायको परम्परागत लोकबाजा च्याब्रुङमा आधारित रहेर यसको कथा प्रस्तुत गरिने उपेन्द्रले बताएका छन् । चलचित्रको स्कृप्ट पनि उपेन्द्रले नै लेखेका हुन् । चलचित्रको छायांकन ४० दिनमा सक्ने लक्ष्य रहेको निर्देशक सुब्बाले बताएका छन् ।

यो चलचित्रको निर्मातामा रामबाबु गुरुङ र उपेन्द्र सुब्बा नै रहेका छन् । रामबाबुको बाँसुरी फिल्मस् र उपेन्द्रको कबड्डी फिल्म्सको संयुक्त व्यानरमा यो चलचित्र निर्माण भइरहेको छ । चलचित्र जारी सुपर हिट भएपछि आर्थिक लेनदेनको कारणले उपेन्द्र र रामबाबुको सम्बन्ध बिग्रिएको थियो । यतिबेला जारी २ को निर्माणमा यी दुई फेरी जोडिएका छन् ।

जारी २ को छायांकन सकिएपछि निर्देशक रामबाबु गुरुङले अर्को सिक्वेल चलचित्र कबड्डी ५ को छायांकन सुरु गर्नेछन् । कबड्डी ५ को स्क्रिप्ट अहिले पत्रकार यज्ञशले लेखिरहेका छन् ।

सम्बन्धित समाचार

कृष्ण गौतमले ल्याए रानीहार आजवाट चुलाचुलीमा २ दिने साहित्य उत्सव परेवा उडाएर चलचित्र बिगुलको मुहूर्त बलिउडकै महंगी अभिनेत्री बनिन् श्रद्धा कपुर ट्रम्पद्वारा अमेरिकामा विदेशी चलचित्रलाई १०० प्रतिशत कर सिकन्दर फ्लपपछि सलमानको गंगा राम स्थगित सितारे जमिन परबाट आसावादी आमिर बादशाहको सनक हुँदै ऊनको स्विटरसम्म एलेक्स पारस ‘भूल चुक माफ’ हल रिलिज स्थगित किङको तयारीमा शाहरुख, छोरा छोरीलाई उतार्दै राष्ट्रिय दोहोरी गीत आइडल जेठको अन्तिम सातामा अभिनेता राहुल र अभिनेत्री उषाले गरे विवाह