सप्तरी । उच्च अदालत जनकपुर–राजविराज इजलाशले एक कर्मचारीद्वारा परेको अदालतको अवहेलना मुदामा विपक्षी डाक्नेश्वरी नगरपालिका कार्यालय तथा प्रमुख प्रशासकिय अधिकृतलाई ७ दिन भित्र सबुद प्रमाण सहित आफै वा कानुन बमोजिमको प्रतिनिधी मार्फत लिखित जवाफ लिई उपस्थित हुन आदेश जारी गरेको छ ।

सोही नगरपालिका कार्यालयमा कार्यरत कर्मचारी उमेश प्रसाद साहले डाक्नेश्वरी नगरपालिका कार्यालय र प्रमुख प्रशासकिय अधिकृतलाई विपक्षी बनाई दायर गरेको अवहेलना मुदाको सुनवाई गर्दै अदालतले यस्तो आदेश जारी गरेको हो ।

न्यायाधिश अचुतम कुमार आर्चाय र पुर्ण प्रसाद राजवंशीको संयुक्त इजलाशद्वारा जारी आदेशमा भनिएको छ –“विपक्षीलाई अदालतको अवहेलनामा कारवाही एवं सजाय हुनु पर्ने हो, होइन ?“सजाय हुनु न पर्ने कुनै आधार र कारण भए ७ दिन भित्र सबुद प्रमाण सहित आफै वा कानुन बमोजिमको प्रतिनिधी मार्फत लिखित जवाफ लिई उपस्थित हुनु ।”

सप्तरीको डाक्नेश्वरी नगरपालिका ६ घर भई सोही नगरपालिका कार्यालय मातहतको पातो स्वास्थ्य शाखामा अधिकृत छैठो तहमा समायोजन पदस्थापना भई कार्यरत साहले आफुलाई पूर्वाग्रही भएर २०८१ साल असोज ११ गते नगरपालिका कार्यालयले गैरकानुनी ढंगले स्वास्थ्य चौकी भुतही सरुवा गरेको भन्दै न्यायका लागी अदालतको शरणमा पुगेका थिए ।

पहिलो पल्ट उत्पे्रषण र परमादेशको माँग गर्दै उच्च अदालत जनकपुर–राजविराज इजलाश पुगेका साहको निवेदन उपर २०८१ कार्तिक ८ गते सुनवाई गर्दै न्यायधिश बामदेव ज्ञवालीको एकल इजलाशले सरुवा सम्बन्धि निर्णय तत्काल कार्यान्वयन न गर्नु, गराउन र यथास्थितीमा राख्नु भनी उच्च अदालत नियमावली २०७३ को नियम ४२ (१) बमोजिम विपक्षी डाक्नेश्वरी नगरपालिका कार्यालयको नाममा अल्पकालिन अन्तरिम आदेश जारी गरेको थियो ।

अदालतको आदेश पछी आफु कार्यालयमा उपस्थित भई हाजिर गर्न खोज्दा नगर प्रमुख राम लखन मुखियाको आदेश भन्दै प्रमुख प्रशासकिय अधिकृत रामकिसुन यादवले हाजीर गर्न न दिएको साहको कथन छ ।

अदालतको आदेश समेतको अवज्ञा गरी आपूmलाई हाजिर गर्न नदिएपछी बाध्य भई न्यायका लागी अदालतको अवहेलनामा कारवाही गरी पाउँ भनि रिट निवदेन दायर गरेको साहले बताए । उनले गैर कानुनी ढंगले गरिएको सरुवा बदर तथा अदालतको अवहेलना गर्ने विपक्षीहरुलाई कारवाही हुनु पर्ने माग गर्दै अदालतमा रिट निवेदन दायर गरेका थिए ।

अदालतको अवहेलना मुदामा पछिल्लो पटक विपक्षीको नाममा ७ दिने म्याद सूचना जारी भएको र लिखित जवाफ परेपछी वा अवधी व्यतित भएछी आवश्यक न्याय कार्य सम्पादन हुने उच्च अदालत जनकपुर–राजविराज इजलाशले जनाएको छ ।

सम्बन्धित समाचार

रौतहटमा जंगली हात्तीको आक्रमणबाट महिलाको मृत्यु छठसँगै खुसी आउँछ डोम समुदायमा पोखरीमा कारसहित डुबेका २ जनाको शव निकालियो मिथिलामा छठको रौनक शुरु छठ पर्वका व्रतालु महिलालाई साडीसँगै पुजा समाग्री हनुमाननगरमा ७ हजार विद्यार्थीको पठनपाठन ठप्प ‘गढ़ीमाई मेलाको लागि तपाईंको सरकारले के गरेको छ ?’ करको नाममा हरेक क्षेत्रमा ओली सरकारको आतंक छ: प्रभु साह संविधान संशोधनमा नागरिकताको प्रश्न मोबाइल चार्ज गर्ने क्रममा सर्लाहीमा करेन्ट लागेर किशोरको मृत्यु आजपाद्वारा मधेसमा भ्रष्टाचार विरोधी जागरण अभियान सुरु