बारा । उपराष्ट्रपति राम सहाय यादवले प्रादेशिक अस्पताल कलैयाको मुहार फेरिदै गएको बताएका छन् । बुधबार प्रादेशिक अस्पताल कलैयामा नव निर्मित रक्तसञ्चार केन्द्रको उदघाटन गर्दै प्रादेशिक अस्पताल कलैयाले मुहार फेरेको बताए ।

मधेशको हक अधिकार पुर्तिको लागि प्रादेशिक अस्पताल कलैयाले अहम भुमिका खेलेको बताए । घाइतेहरूको उपचारको लागि आन्दोलनको समयमा दक्ष चिकित्सक टोली नरहेको सम्झना गरे ।

घाइतेहरूको रगतले अस्पतालको प्राङ्गण लतपतिएको समझना रहेको उनले बताए । यही अस्पतालबाट दुई जना शहिदले अन्तिम सास लिएको समझना जिवित नै रहेको यादवले बताए ।

०६२\०६३ को आन्दोलनको समय देखि वर्तमान समयमा अस्पतालले धेरै प्रगति गरेको उनले बताए । अकास्मिक उपचार, गर्भवती, दुर्घटनाको बिरामीको लागि चाहिने अति आवश्यक रगतको लागि एक मात्र रक्तसञ्चार केन्द्र वियगंज धाउनु पर्ने समस्याको अन्त्य भएको उपराष्ट्रपतिले बताए ।

रगतको लागि मधेश प्रदेश कै भार बोकिरहेको विरगंजले पनि केही हद सम्म राहत हुने उनले बताए । नभई नहुने रगतको अभाव पुर्तिको लागि बनाइएको केन्द्र व्यवस्थित गरिव, निमुखा जनता सम्म पुगोस भनेर शुभकामना समेत दिएका थिए ।

पहुचको भरमा सबथोक हुने प्रणालीमा जिल्लाका कोही जनता रगत बिना अनाहकमा ज्यान गुमाउनु नपरोस उपराष्ट्रपति यादवले भने । दातृ निकायले देखाएको मानवता रुपी कार्यको लागि अभारी रहेको उनले बताए ।

शिक्षा, कृषि लगायतको क्षेत्रमा व्यापारीले संवृद्ध बनाएको भए पनि स्वास्थ्य सेवालाई गुणस्तरीय बनाउन अझ धेरै थोक गर्न बाकी रहेको यादवले बताए ।

रक्तसञ्चार केन्द्र गर्भवती, दुर्घटना, रक्ताल्पता जस्ता बिरामीहरूको लागी आशाको किरण बन्ने विश्वास लिएको उनले बताए ।

स्वास्थ्य वतावरण स्वास्थ्य जिवनको आधार नारा सहित तराई मधेश क्षेत्रमा जलवायु परिवर्तन, वायु प्रदूषण, खानेपानीको गुणस्तर चुनौतीको कारण स्वास्थ्यमा बढी असर गरिरहेको यादवले बताए ।

अत्याधिक गर्मी, शीतलहर समयमा विरामीहरूको लागि आपत्कालीन स्वास्थ्य सेवालाई झन सुदृढ बनाउने विश्वास लिएको उनले बताए । वतावरण संरक्षणको लागि चौतर्फी पहल गर्न अति आवश्यक रहेको यादवले बताए । वृक्षारोपण, स्वास्थ्य खानेपानी लगायत फोहर व्यवस्थापनमा जोड दिन आवश्यक रहेको उनले बताए ।

स्थानीय सरकार, नागरिक समाज, समाजिक संघ संस्था वातावरणीय स्वास्थ्य प्रति सचेतको साथै सहकार्य गर्न आवश्यक रहेको उपराष्ट्रपतिले बताए । नेपाल स्काउटका राष्ट्रिय प्रशिक्षक एवं पूर्व राष्ट्रिय कार्यक्रम आयुक्त भरत साह कानुको पहलमा छाया नेपालले आर्थिक सहयोग गरेको कलैया ब्लड बैंकको निर्माणमा कलैया उपमहानगरपालिका र प्रादेशिक अस्पताल कलैयाले सहकार्य गरेको अस्पतालका मेडिकल सुपरिन्टेन्डेन्ट डा.अजय गुप्ताले बताएका छन् । दक्ष जनशक्ति परिचालन गरि २४ घण्टे सेवा दिने गुप्ताले बताए ।

आफुले आफ्नो कार्यकालमा व्यवस्थित आइसियु देखि लिएर डायलिसिस आज रक्त सञ्चार केन्द्र उदघाटन गराउन पाउनु आफैमा गौरवान्वित महसुस गरिरहेको डाक्टर गुप्ताले बताए ।

अस्पतालको परिसर भित्र अन्तर्राष्ट्रिय मापदण्ड अनुसारको रक्तसञ्चार केन्द्र प्रयोजनका लागि ८ कोठा सुविधा सम्पन्न शौचालय सहित निर्माण गरिएको छ । कुल लागत एक करोड ८ लाख ४१ हजार ५ सय २३ रुपैया ३२ पैसाको २० प्रतिशत कलैया अस्पतालले व्यहोर्न गरि छाया नेपालका कार्यकारी निर्देशक कमल थापा र अस्पताल विकास समितिक अध्यक्ष प्रकाश चौगाईले संझौता पत्रमा हस्ताक्षर गरेका थिए ।

कलैया अस्पतालमा स्थापना भएको नव निर्मित ‘ब्लड बैंक’ मा उपराष्ट्रपती रामसहाय प्रसाद यादव र संबिधान सभा सदस्य प्रमोद गुप्ताले रक्तदान गरेका थिए ।

रक्तसञ्चार केन्द्रको उदघाटनमा पुर्व मन्त्री ज्वाला साह, किसान श्रेष्ठ, अस्पताल विकास समितिका अध्यक्ष प्रकाश चौगाई, लगायत स्थानीय पालिकाका प्रमुख उपप्रमुख, डाक्टर स्वास्थ्यकर्मी लगायतको सहभागिता रहेको थियो । कार्यक्रमको संचालन लक्ष्मी खरेलले गरेकी थिइन ।

सम्बन्धित समाचार

रेशमलाई पत्र काटेर पक्राउ गराउने सर्वोच्चका अधिकृत हिरासतमा विकल पौडेल भ्रष्टाचारी ठहर, चार जनालाई सफाइ शहर भन्दा गाउँका मानिसको आयु लामो भारत–पाकिस्तानलाई हामीले नलड्न सुझाव दियौंः प्रधानमन्त्री ओली चर्को डिजे, पटाका र आतिशवाजीप्रति पर्सामा कडाई ध्रुवचन्द्रलाई एक लाखको राष्ट्रिय लेखक पुरस्कार लमजुङमा नयाँ धार्मिक गतव्य, कसरी जाने ? पर्यटन आगामनमा कीर्तिमान, अप्रिलमा मात्रै १ लाख १६ हजार बढी भारत–पाकिस्तानलाई संयम रहन संयुक्त राष्ट्रसंघको अपिल के निर्णय गर्दैछ आजको मन्त्रिपरिषद् बैठकले ? रिव्दीकोटका एकल पुरुषलाई भत्ता सम्झौता पूर्ण पालना नहुँदै सप्तकोशीमा उच्च बाँध बनाइँदै