बैतडी । बैतडीको सुर्नया गाउँपालिका वडा न.४ की १७ बर्षिया सिर्जना लोहार गत ४०दिन देखी बेपत्ता भएकी छिन् ।
भदौ २३ गतेदेखी गौरापर्वबाट हराएकी लोहार अझै बेपत्ता रहेको उनका बुवा बिरा लोहारले बताए । छोरी बेपत्ता भएकै भोलिपल्ट प्रहरीमा खबर गरेपनि अझै पत्ता नलागेको उनको भनाई छ । रातीको समयमा हराएकी छोरीको खोजीका लागि सबै प्रयास गरेपनि नभेटिएको उनकी आमा जानकी लोहारले बताइन् ।
छोरी केटासंग भागेको भए सम्पर्कमा आउनुपर्ने तर ४० दिन सम्म सम्पर्क नगरेकाले चिन्ता बढेको परिवारको भनाई छ । छोरी हराएकै मिति देखि एकजना गाउँले केटा समेत गाउँमा नभएकाले दुवैजना बिवाह गर्न भागेको आशंका गरिएपनि केटीको बुुवा भने उनिहरुबीच प्रेम रहे नरहेको कुराको कुनै प्रमाण नभएकाले आशंका नरहेको बताउछन् ।
उक्त घटनाका बिषयमा प्रहरीमा जानकारी आएकाले खोजी कार्य जारी रहेको जिल्ला प्रहरी कार्यालय बैतडीले जनाएको छ ।
