मुम्बई । इद पर्वको अवरमा आइतबार रिलिज भएको बलिउड अभिनेता सलमान खानको चलचित्र सिकन्दरले तीन दिनमा भारतमा ७५ करोडको व्यापार गरेको छ ।

यो चलिचत्रको पहिलो र दोश्रो दिनको तुलनामा तेस्रो दिन बक्स अफिसमा व्यापार घटेको छ । तर पनि यसले भारतमा २०० करोड भन्दा माथिको व्यापार गर्ने अपेक्षा वितरकहरूको छ ।

सलमान खान र रश्मिका मन्डानाको मुख्य भूमिका रहेको चलचित्र सिकन्दरले इदको दिन आइतबार बक्स अफिसमा प्रभावशाली सुरुवात गरेको थियो । यो चलचित्रले आइतबार २६ करोड रुपैयाँ कमाएको थियो । इदको दिन सबै भोजमा व्यस्त हुने भएकाले यो दिनको व्यापार २६ करोड हुनुलाई राम्रै मानियो ।

चलचित्र सिकन्दरले रिलिज भएको दोश्रो दिन सोमबार २९ करोड रुपैयाँको व्यापार गरेको थियो । तर तेस्रो दिन मंगलबार भने सिकन्दरले व्यापारमा ठुलो गिरावट देखिएको छ ।

यो चलचित्रले मंगलबार केवल १९.५ करोड रुपैयाँको व्यापार भारतमा गरेको छ । यसरी सिकन्दरको व्यापार तेस्रो दिन ३२.७६ प्रतिशतले कमी भएको छ । चलचित्रको ’boutमा नकारात्मक टिप्पणीहरू धेरै आएको भए पनि सलमानलाई उनको फ्यानहरूले साथ दिई रहेका छन् । सोही कारण नकारात्मक टिप्पणीको आधारमा यसको व्यापार त्यति धेरै बिग्रिएको छैन ।

चलचित्र सिकन्दरले भारतमा रिलिज भएको तीन दिनमा ७४.५ करोडको व्यापार गरेको छ । २०० करोड बजेटको यो चलचित्रले रिलिज भएको तीन दिनमा भारतसहित ग्लोबल बजारमा १४१.१५ करोडको व्यापार गरेको छ । यो चलचित्रले सप्ताहान्त १४० करोडको व्यापार गर्ने अपेक्षा गरिएको छ ।

सम्बन्धित समाचार

अस्ट्रेलियाको एडिलेडबासीलाई नचायो नेपथ्यले वसन्तको ट्रेलरमा जातीय विभेदको कथा अनिल श्रेष्ठको ‘तिम्रो ईच्छा अर्कै रोज्ने’ जहाजमा लेखेको खनालको गीत जहाजबाटै सार्वजनिक जया बच्चनद्वारा स्वास्थ्य क्षेत्रमा कडा कानुनको माग दिलिप रायमाझीसँग प्रियंका कार्कीको ठुम्का पर्दामा जोडीका रूपमा चम्केका यी देवर–भाउजू कृष ४ को निर्देशन ऋतिक रोशनले गर्ने आदिवासी, जनजाति चलचित्रकर्मीलाई बोर्डको ३४ लाख सहयोग अलेकजेन्डरको कथामा सलमानको सिकंदर नेपाल ललितकला प्रतिष्ठानको ग्यालरीमा अक्षरको यात्रा १४० पर्दाबाट चलचित्र वसन्त रिलिज